Nag-viral ang isang tiktok video ng lalaking guro na kinilalang si Leo Bondoc Lopez na kung saan ay makikita sa video ang tila hindi kana...
Nag-viral ang isang tiktok video ng lalaking guro na kinilalang si Leo Bondoc Lopez na kung saan ay makikita sa video ang tila hindi kanais-nais.
Dahil sa video na iyon ay naglunsad na ng imbestigasyon ang Department of Education (DepEd) laban sa isang guro na nag viral dahil sa kanyang Tiktok video tungkol sa kanyang ‘cute’ na estudyante.
Ngayon ay nagbigay ng pahayag ang DepEd. Mismong ang kalihim ng DepEd na si Sec. Leonor Briones ang nag-utos sa Regional Director ng DepEd Central Luzon na imbestigahan ang guro na si Leo Bondoc Lopez (@leobondoclopez) dahil sa kanyang video.
Sa nasabing video sy makikita si Lopez habang sumasayaw at tila nag aayos ng kanyang buhok dahil daw dumaan ang kanyang ‘cute’ na estudyante.
Batay sa DepEd ay tila hinihimok umano ng nasabing video ang pagkakaroon ng relasyon sa pagitan ng guro at estudyante.
“Pinapaalalahanan lagi ang ating mga guro at non-teaching personnel na iayon ang ating mga salita at kilos, kabilang ang ating aktibidad sa social media, sa pinakamataas na antas ng pamantayang etikal at propesyonal,” ayon sa opisyal na pahayag ng DepEd.
“Bilang guro at tagpaglingkod sa bayan, lagi dapat nating itaguyod ang ligtas at mapaglinang na kapaligiran sa pagkatuto para sa kabataan, kung saan ang pisikal, berbal, sekswal at iba pang anyo ng pang-aabuso at diskriminasyon ay hindi tinatanggap.” dagdag sabi pa nila.
Sari-saring komento naman ang natanggap ng guro at tila hindi nagustuhan ng mga netizens ang ginawang video ng guro.
Dito sa Pilipinas ay talagang kinokonsiderang bawal sa batas ang teacher-student love affair .
Wala pang tugon ang kampo ni Lopez tungkol sa imbestigasyon na gagawin sa kanya ng DepEd.
Reaksyon ng ilang Netizens:
