Hot topic ngayon si Noli de Castro dahil sa kanyang pag-atras sa kanyang kandidatura sa pagka-senador. Ang beteranong mamamahayag at news...
Hot topic ngayon si Noli de Castro dahil sa kanyang pag-atras sa kanyang kandidatura sa pagka-senador.
Ang beteranong mamamahayag at news anchor na si Noli de Castro ay nagbawi ng kanyang bid para sa 2022 senatorial race, wala pang isang linggo matapos niyang ipahayag ang kanyang kandidatura.
Sa isang pahayag noong Miyerkules, Oktubre 13, sinabi ng dating anchor ng TV Patrol na nagpasya siyang umatras sa kanyang bid matapos mapagtanto na mas mahusay niyang mapaglingkuran ang mga tao sa pamamagitan ng pamamahayag, kaysa sa politika.
Sa kabila nito, sinabi ni Noli na determinado siyang ipagpatuloy ang paglilingkod sa publiko, tulad ng balak niya nang magpasya siyang sumali sa karera at isumite ang kanyang kandidatura noong Biyernes, Oktubre 8.
Pinasalamatan din niya ang kanyang mga tagasuporta, lalo na ang Mnaila Mayor at ang aspirant ng pagkapangulo na si Isko Moreno at Aksyon Demokratiko, ang partido na sinalihan lamang niya kaugnay ng kanyang bid sa pagka-senador.
Narito ang buong pahayag ni Noli de Castro:
"Nitong mga nakaraang araw, taimtim kong pinag-isipan ang desisyong pagbalik bilang isang mambabatas. At kamakailan, naghanda ako sa posibilidad na pagtakbo sa pagka-senador sa darating na halalan.
"Ang nag-udyok sa akin ay ang hangaring muling bigyan ng boses sa Senado ang ating mga kababayan, lalung-lalo na ang mga ordinaryong Pilipino, na ang tanging hangarin ay mabuhay ng maayos, payapa, at may dignidad sa gitna ng pandemya.
"I-sinumite ko ang kandidatura sa COMELEC noong Biyernes. Ngunit, nagkaroon ng pagbabago ang aking plano."
"Nais kong iparating sa lahat ng aking mga kaibigan at supporters na naghahanda na sanang tumulong sa akin, na nagpasiya akong hindi na ituloy ang aking kandidatura."
“Gayunpaman, HINDI PO NAGBAGO ANG AKING LAYUNIN AT HANGAD PARA SA BAYAN.
"Kasabay ng pagdarasal sa Poong Nazareno, napag-isip-isip kong mas makatutulong ako sa pagbibigay ng boses sa ating mga kababayan sa pamamagitan ng pamamahayag.
"Binibigyang diin ko po, hindi nagbabago at magbabago ang ating layunin at hangad para sa bayan.
"Patuloy tayong magiging boses ng ating mga kababayan, lalo na sa panahong katulad nito na ang boses na iyon ay nalulunod sa ingay ng pulitika at paggamit ng kapangyarihan para sa sariling interes ng iilan."
"Nais ko pong magpasalamat kay Mayor Isko Moreno at sa mga bumubuo ng Aksyon Demokratiko sa ibinigay na tiwala at tulong sa akin sa unang araw pa lamang na maging miyembro ako ng Partido. Maraming salamat po.
"At sa lahat ng nagtitiwala sa aking mga kabayan, maraming maraming salamat! Hawak ko sa aking puso ang ipinapakita ninyong pagmamahal, suporta, at tiwala.
"Ituloy po natin ang pagtutulungan para sa mas malakas na boses ng bayan.
"Salamat po mga kabayan!"
Reaksyon ng ilang Netizens:
Ikaw,anong masasabi mo sa desisyong ito ni Noli de Castro? Huwag mahiyang magbigay ng komento.
