Isang hindi inaasahang pangyayari ang naganap kay Vina Morales nang maagaw ang kanyang cellphone habang nasa loob ng sasakyan.Ibinahagi ...
Isang hindi inaasahang pangyayari ang naganap kay Vina Morales nang maagaw ang kanyang cellphone habang nasa loob ng sasakyan.Ibinahagi niya sa social media ang kanyang karanasan.Pinag-iingat niya ngayon ang publiko matapos siyang maagawan ng cellphone sa EDSA, kung saan hinabol din niya ang snatcher para mabawi sana ang kanyang cellphone.
Ayon sa kwento ni Vina ay ginamit niya ang cellphone sa loob ng sasakyan sa may EDSA nang kuhanin ito ng snatcher sa pamamagitan ng bukas na bintana.
“Ngayon ko lang po naranasan ito. May nag-snatch ng phone ko sa loob ng kotse ko habang gamit ko po. Naiwan ko pong bukas ang window habang nasa EDSA,” kuwento ni Vina.
Sinubukan niya raw na habulin ang salarin at may nakausap siyang kilala ito.
“Reaction ko po ay hinabol ko. Meron po akong nakita na tao, sabi may alam po siya. Biglang may mga pulis na dumating at tinangay ‘yong tao. Nakausap ko po si Lt. Alvin Bagay at pinapupunta po ako ng presint0 para mag-report,” dagdag pa ni Vina.
Nagkataon na may gasoline station din malapit sa pinangyarihan nito kaya may CCTV footage daw. Inimbitahan si Vina sa police station para maghain ng report pero tumanggi na siya dahil ayaw na niyang makasalamuha ng maraming tao bunsod ng banta ng COVID-19 at siya’y nag-iingat.
"Telepono lang naman 'yon pero nalulungkot ako kasi bakit may mga ganoong tao," ani Morales.
"Itong message ko, just letting you know na mag-ingat po tayo," dagdag niya.
Agad namang nagpasalamat si Vina sa mga taong tumulong at nag-alala para sa kaniya.
“Salamat po sa mga tao na tumulong sa akin. Itong message ko, just letting you know na mag-ingat po tayo. Bahala na lang ang Diyos sa kaniya.”
Anong masasabi niyo kaugnay rito?
